Grade 11: Selebrasyon ng Buwan ng Wika: Tagisan ng Talento ni Raine Astor & Gerald Cardinal

           

Ika-19 ng Agosto, 2016, sa Selebrasyon ng Buwan ng Wika, Ginanap ang patimpalak na Tagisan ng Talento ng mga Lakan at Lakambini 2016. Sinimulan ito ng Panalangin at Pambansang Awit. Sumunod naman ang Pambungad na Pananalita na pinangunahan ni G. Ariel S. Tianes. Ipinakilala naman ni G. Reggie U. Elardo ang mga hurado. Ibinigay naman ang mga Panununtunan ng Patimpalak. At sinimulan na ang Patimpalak, bawat pares ay nagpakita ng kanya-kanyang talento, mayroong pagkanta, pagsayaw at iba pa. Ang layunin ng patimpalak na ito ay linangin ang talento ng bawat pares at malaman kung sino ang aani sa best in talent sa Lakan at Lakambini 2016. At ang programa ay nagtapos sa pangwakas na pananalita, na pinangunahan ni G. Val P. Olaguer.

-Katrina Loraine M. Astor & Gerald Cardinal

Jarome Ching, Carl Eribal at Rafaela Melad Field Trip Blog 2016 Salamat po

Ang mga mag-aaral ng Pitogo Senior High School ay pumunta sa CLSU o mas kilala bilang Central Luzon State University upang magsagawa ng Educational Tour noong November 25, 2016.

Bumungad sa mga magaaral ang magagandang tanawin. Katulad ng mga halaman na ka'y gandang pagmasdan at mga malalaking puno. Ang bawat bus ay may guro na namamahala sa kaayusan at kaligtasan ng mga mag-aaral at naging matagumpay naman ang layuning ito.

Unang nagtungo ang mga magaaral sa Aquaponics. Dito ipinakita kung paano ang ibat ibang paraan para makapagtanim at makapagpatubo ng isang maganda at malusog na halaman. Nagbigay din ng ilang impormasyon kung saan maaaring gumamit ng ibang pagtatamnan ng mga halaman.



Ang Ramon Magsaysay cares ay nagdedevelop ng mga organic fertilizers upang mas lalong tumaba ang kanilang mga pananim na labis namang kinamangha ng mga mag-aaral ng Baitang 11 sa Mataas na Paaralan ng Pitogo partikular sa Pitogo Senior High.  Dito itinuro kung paano ang paggawa ng natural na pataba. At kung paano inaalagaan ang Night Crawlers.

Naging masaya ang mga mag-aaral sa kadahilanang marami silang natutunan at natuklasan. Ang bawat mag-aaral ng STEM, ABM at HUMSS ay nagkaroon ng ideya sa mga bagay-bagay na nagaganap sa ating kapaligiran. Ang bawat bus ay may guro na namamahala sa kaayusan at kaligtasan ng mga mag-aaral at naging matagumpay naman ang layuning ito. Ang Educational Tour ng mga mag-aaral sa Pitogo ay naging tradisyon na at taon-taon ay nagsasagawa ng Fieldtrip at iba-iba ang destinasyong pinupuntahan. Masaya talagang maglakbay habang natututo, dahil tulad ng naranasan ng Pitogo Senior High School ay maraming nauwing alaala ang mga mag-aaral na maaari nilang ibahagi sa kanilang mga magulang at mga kamag-anak pati narin sakanilang mga kaibigan. Ang Educational Tour na ito ay nagdulot ng magandang epekto, sapagkat mas lalong tumibay ang pisi ng relasyon ng mga mag-aaral sa kanilang mga guro. Natuto ang mga mag-aaral ng iba’t-ibang kultura at kaalaman, kaalamang magbibigay sa kanila ng ideya kung paano mamuhay ang iba’t-ibang tao. Masasabi kong masaya ang naging masaya ang Fieldtrip na ito dahil umuwi ang mga mag-aaral na may ngiti sakanilang mga muka at ligtas na nakauwi sa kani-kanilang mga tahanan.

Ang Huling tinungo ng mga mag-aaral ay sa CLSU ay ang HYDROPONICS. Ipinaliwanag at Ipinaintindi nila sa mga mag-aaral na ang  Hydroponics ay ang paraan ng pagtatanim na gamit ay tubig lamang na masagana sa nutrisyon at sinabi din nila na  ang uri ng pamamaraan ng pagtanim nito ay walang gamit na anumang lupa kundi tubig lamang.

Agosto 2016

Buwan ng Wika, Ginunita
Matthew Volante at Zhina Viñas

       Bilang marubdob na pagdiriwang sa Buwan ng Wika na may temang "Wika ng Karunungan" sa taong ito, isinagawa ang iba’t– ibang patimpalak sa Paaralang Sekundarya ng Pitogo sa pangunguna ng Kapisanan ng mga Mag-aaral sa Filipino (KAFIL) sa ilalim ng pamatnubay ni G. Reggie Elardo, gurong tagapayo. 

Humss B

     Talaga namang napakaganda at napakakulay ng ating wika lalong lalo na't ito ang naging pagkakakilanlan nating mga Pilipino. Bilang pagpapakita ng pagmamahal natin sa sarili nating wika at patuloy na gamitin ito sa pagkamit ng tunay na karunungan para sa kabutihang panlahat, taon-taong ipinagdiriwang ang buwan ng wika tuwing Agosto sa pamamagitan ng pagdaraos ng mga patimpalak.

Si Regenald Guarin at
Kirstine Duqueza

Itinanghal na Over-all Champion ang HUMSS B matapos hakutin ang ginto sa ilang patimpalak sa pagtatapos ng pagdiriwang ng Buwan ng Wika na sinundan ng STEM A at ikatlo ang ABM A. 

       

Isa sa mga pinakamahalagang patimpalak na isinagawa ng KAFIL ay ang Lakan at Lakambini 2016 na kung saan hinirang ang tambalang Regenald Guarin at Kirstine Duqueza na kapwa mula sa HUMSS B. 

Nasungkit din ng HUMSS B ang kampeonato sa Pista sa Nayon na kung saan nagawa nilang angkinin ang unang puwesto sa lasa ng pagkaing itinampok at atmospera ng booth.

Sa pagandahan ng interpretasyon naman ng awiting "Bagong Umagang Parating", nagawang angkinin ng "all-boys" mula sa STEM A ang unang puwesto na sinundan ng ABM A at HUMSS B. 

Ang mga opisyales ng KAFIL kasama
 si Prof. Enrile

Maliban sa mga patimpalak na talaga namang nagbigay kulay sa pagdiriwang ng Buwan ng Wika, naglunsad din ng isang forum ang KAFIL na nagbigay ng dagdag kaalaman mula kay Prof. Aura Enrile. 

Hindi magiging makabuluhan ang pagdiriwang ng buwan ng wika kung ang tunay na aral na batid nito ay hindi isinasapuso at isinasabuhay. 

Science Month

by: Julie Ann Cosico & Rafaela Melad

Tulad ng ibang paaralan, Ipinagdiriwang din ng Pitogo Senior High School ang Science Month. Hindi maaari mawala ang mga aktibidades na nakalinya para sa buwan ng Setyembre. “AGGRINOVATE: Revolutionizing agricultural Outlook for Sustainable Growth” ang syang paksa ng nagdaang buwan ng agham. Mayroong ibat-ibang gawain ang inihanda para sa mga mag-aaral ng senior high. Una narito ang “Sci Spell” kung saan sinubok ang bawat mag-aaaral sa mga terminong pangsiyensa; Pangalawa nagkaroon naman ng “Trivia Quest”, na sumukat sa lalim at lawak ng kaalaman ng piling mag-aaral tungkol sa siyensya; Pangatlo ang “Science Quiz Bee”, ang pagtatagisan ng mga representante ng bawat seksyon na silang tinatangahal na science wizards; Pang apat ay ang “Poster Making contest” ang pagpapamalas ng talento nng mga mag-aaral sa pagguhit na may relasyon sa paksa; at panghuli ay ang “Music Video Contest” kung saan ang bawat seksyon ay gumawa ng isang orihinal na likha ng video na nakaangkla sa tema ng nasabing pagdiriwang. Kanya kanyang pagpapasiklab ng talento, pagpapakitang-gilas, pagtatagisan ng talino ang ipinakita ng mga magigiliw na mag-aaral mula sa bawat strand ng Pitogo SHS. Pinangunahan ito ng Science at DRRR Club Officers sa patnubay ng kanilang tagapayo na sina Joan Lanuzga at Jose Mari Fontanilla.

Maliban sa mga aktibidades at patimpalak sa loob ng paaralan, mayroon ding nilahukan ang mga natatanging mag-aaral na seminar na may paksang “What is your Chronotype” sa Mind Museum, Taguig City. Ang nagging tagapagsalita doon ay ang isang Chronobiology Professor na si Prof. Till Roenneberg of Ludwig-Maximilian University ng Munich, German.

Intramurals 2016: Pitogo Senior High School

Intramurals 2016: Pitogo Senior High School

ni: Nico Andre S. Intia

Tuwing buwan ng Setyembre ay nagkakaroon ng kumpetisyon o palaro o sa madaling salita , nagkakaroon ng Intrams taon-taon sa Mataas na Paaralan ng Pitogo. Sa bawat taon kailangan natin paglaanan ang yugto ng pag-aaral. Magsusunog ng kilay, magsisipag at magpo-pokus sa pag-aaral. Pero paminsan-minsan kailangan nating magpalamig o magsaya.

Sa tuwing maglalaro ang isang tao, dito nila nilalabas ang pighati, pagod, at iba pa. Maraming nanunod at mga naeenganyo sa tuwing nakikita nila na may naglalaro sa basketball court o school grounds. Masaya ang lahat sa tuwing nagkakainitan o nakikita ng lahat na nagkakasayahan ang mga manlalaro o manunood.

Ang volleyball ay laro kung saan kailangang malakas ang iyong pangangatawan at mabilis ang reaksyon mo tuwing may laro. Ang larong ito ay kailangan din ng pagkakaisa at paguunawaan malampasan ang mga pagsubok.

Sa loob ng volleyball ay may tinatawag na team na kung saan dito naguumpisa ang kasayahan at ito ang halimbawa ng isang pamilya. Pagmamahalan sa isa’t isa at pagtutulungan para makuha o magkaroon ng kasiyahan. Ang volleyball ay isang laro  na magpapasaya sa lahat ng kalahok.

Grade 11: Lakbay Aral

Lakbay-Aral

Hinding hindi mawawala sa ating buhay bilang mag-aaral ang Field Trip o mas kilala bilang lakbay-aral. Hindi ba’t kay saya maglakbay habang nag-aaral? Sa bawat lugar na inyong matutuklasan, sa bawat kaalaman na iyong matututunan, lakbay-aral ay siyang tunay na kinagigiliwan. Halina kayo sa Pitogo Senior High School (PSHS) kung saan ang iyong pagkatuto ay hindi lamang sa loob ng silid kung hindi pati rin sa labas ng paaralan.

Ang PHSH ( Pitogo Senior High School ) ay di tulad ng ibang public senior high school pagdating sa lakbay-aral. Dumadaan sa proseso ang bawat lahbay-aral na magaganap. Matapos maaprubahan ito’y paguusapan ng mga faculty supervisors upang mas maging epektibo sa pagkatuto ng mga  mag-aaral. Sa oras na mapili na ang mga destinasyon, ang mga magulang ay bibigyan alam ng mga guro patungkol sa nasabing Field Trip. Matapos ng lahat ng ito, ang mga mag-aaral ay bibigyan ng orientasyon at paalala upang mapanatili ang kaligtasan kasbay ng kaligayahan ng mga mag-aaral.

Nitong nakalipas lamang na taon, nagkaroon ng lakbay-aral ang iba’t-ibang strands ng senior high students sa paaralan ng Pitogo. Halimbawa nito ay ang sa STEM strand kung saan sila ay nagtungo sa Nueva Ecija upang matutunan ang pamamalakad ng CLSU sa kanilang Kpaligiran gamit ang agham, pati narin sa kanilang mga produkto na ginagamitan ng siyensya, halimbawa nito ay ang gatas ng kambing na galling sa pinagsama-samang lahi ng kambing ( high Breed). Sumunod na pinuntahan ng nasabing Field Trip ay ang Clark kung saan matatagpuan ang isang pook na may iba’t ibang imitasyon ng mga sikat na lugar sa Pilipinas na kinikilala ng maraming tao sa iba’t ibang parte ng mundo.

Anu pa ang inyong hinihintay, halina’t mag Senior high sa Pitogo, Libre na, Kalidad pa.

Grade 11 : Science Month Celebration

Science Month Celebration

Eribal, Carl Angelo S.

Science is one of the most loved by the learners of Pitogo  High School. This the time they could explore their skills and capabilities in the midst of nowhere. They were able to create such amazing crafts and inventions where in all of it were  exhibited at the wall of fame of Pitogo High School.

 

The said event  was spearheaded of  course by the  coordinators of each  secondary  and senior high level. The visitors or rather  the critics of  Pitogo  High  School  were quite  impressed with all the activities  and  products  produced  by  the  great  students  who  represented the school Science Fair.

 PITOGO HIGH  SOAR  HIGH!

National Heroes Day sa Pitogo Senior High School

Pagpugay sa Kadakilaang Dalisay

Ni: Emmanuel Chris B. Sorio

             

            Sabi nga nila, ang taong hindi marunong tumingin sa pinanggalingan ay hindi makapupunta sa kinaroroonan. Bilang pagtanaw sa nakaraan, ang Pitogo Senior High School Faculty at ang mga mag-aaral ay nagsagawa ng serye ng mga gawain na pumapatungkol sa ‘National Heroes Day’.

 Ngunit  bago ko simulan ang aking blog tungkol dito paano nga ba natin maituturing na bayani ang isang tao? Nang minsan natanong ko ang sarili ko bago ako sumabak sa isang debate. May isa bang requirements? Kailangan ba ng NBI Clearance o ‘di kaya Voters ID? Kailangan ba purong Pilipino, walang halo ng KDRAMA at KPOP? Kailangan bang kayumanggi at hindi dapat gumagamit ng KOJIC? Kailangan ba sumabak sa gera o nakikipag-away sa inutangan? Kailangan ba nagtatrabaho sa ‘Edi sa Puso mo?’ sa Facebook at fan ka ng umiiral na boy band group? Ano ba ang kailangan nang ma-qualify para maging bayani? At mamaya ko yan sasagutin.

            Pinapakilala ko nga pala ang aming mga guro na abalang-abala sa pagbibigay ng puntos sa mga patimpalak. Sa pinakakaliwa ay ang aming General Mathematics at Statistics and Probability teacher na si Maam Normita Catalan. Sa likod niya ay si Maam Ebuen. Habang ang tatlong *naggagandahan kong mga guro na sina Ginoong Reggie, Ginang Acut-Acera at Ginoong Recullo. (simula sa kaliwa papuntang kanan). Sila yung hirap na hirap sa paggagrado sa mga kapwa kong SHS.

At heto naman ang isa pang grupo ng inampalan na humatol naman sa mga debator. Sila yung nakinig nang mahusay at nagmanman nang mabuti sa amin. Kumbaga, kakabahan ka  kapag kasali ka dito sa patimpalak na ito. Paano ba naman isa  sa hurado ay ang Araling Panlipunan Department head, may isang batikan sa larangan ng Economics, at ang isa naman ay ang guro ng HUMSS sa anim na subject simula  noong 1^st sem. Sino ba naming hindi kakabahan at mauutal kapag sasabak ka na sa stage upang ibigay yung punto mo sa debate?

            Sa dalawang litrato na  nasa taas, malaki ang respeto naming sa mga taong nanduon. Paano ba naman nagawa nila kaming pagpasensyahan sa  kabila nang late na kami pumasok at maging sa pagbasa? Hindi ibig ipakahulugan nito na masyado silang maluwag. Bagkus, ang pinupunto ko ay ang pagiging bayani nila. Mahusay nilang ginagampanan ang gawain ng isang guro. Nandiyaan sila para sa aming PSHS upang kami’y gabayaan at tulungan upang umunlad bilang maging isa ring bayani sa aming bayan. Sila yung nagtutulak sa amin upang magsumikap. Araw-araw, walang kupas silang nakasubaybay sa amin.

            Tumungo naman tayo  sa Highlight ng pagdiriwang sa National Heroes Day. Nagsagawa ng patimpalak sa pagsulat ng sanaysay (English at Pilipino). Sa kasamaang palad, ang mga kalahok na nanalo sa Essay Writing Contest lamang ang nakuhaan ng Retrato. Ang kampyeon ay si Pouline Atizado ng ABM-A, nakuha naman ni Jose Angelo Arboleda ng STEM B ang unang puwesto at si Abbey Gayle Mangaser ng HUMSS B ang nakakuha sa ikalawang puwesto. Ang paksang pinagtalunan ay patungkol sa Nasyonalismo at Patriotismo. Sa kabilang dako, kasali naman ako sa Patimpalak tungkol Pagsulat ng Sanaysay gamit ang Wikang Filipino na hindi nakuhaan ng litrato. Nagkataon na nakuha ko ang ikalawang puwesto. Kabado akong lumaban sapagkat ito ang pangalawang beses ko na sumali sa patimpalak ukol sa pagsulat ng sanaysay. Pagdating pa naman sa sanaysay ay walang tigil kong nilalabas lahat ng hinanaing ko sa buhay. Tulad nito.

            Nagkaroon din ng Storytelling Contest na kung saan ikukuwento mo ang  buhay ng nabunot mong bayani sa pinakamalikhaing paraan. Simula sa kanan hanggang sa kaliwa, nakuha ni John Cedric Dela Cruz ng STEM A ang pangalawang puwesto, kanyang ikuwinento ang buhay ni Prinsesa Urduja. Sinundan ni Kyla Cachola ng HUMSS B para sa unang puwesto. At ang nagkamit ng kampyenado ay Zoe Almira Cora Garcia ng HUMSS A.

            Dumako naman tayo sa pinakahuling patimpalak na inihanda ng HUMSS Guild. Ito ay debate tungkol sa Pagpayag sa pagpapalibing kay Marcos sa Libingan ng mga Bayani. At muling nasali ako sa patimpalak na ito. Paano ba naman ang kaklase ko na dapat sasabak dito ay umabsent sapagkat siya ay nagkasakit. Habang ako na walang malay sa usaping ito ay napasabak sa labanang ito. Mayroon lamang akong 2 araw upang maghanda. Pero nairaos ko naman nang hindi napahiya yun nga lang nautal at kinabahan kung kaya’t hindi naging malinaw ang nabanggit ko. Ako nga pala yung nasa larawan. Sa ganang akin, hindi naging madali ang debateng iyan sapagkat ako ay napunta sa grupong sumasang-ayon sa pagpapalibing kay Marcos na taliwas sa opinion ko. Kaya habang nagsasalita ako, mabigat pakiramdam ko kasi hindi iyon ang ibig kong iparating. 

            Hindi lamang puro sa silid ang interaksyon ng PSHS. Kami rin ay nagagawi sa AVR kung may okasyon o patimapalak. Ibig iparating lamang nito ang intelekwal na kakayahan ng PSHS bunga ng pagsasanay ng mga guro sa amin. Diba! Minomold kami ng mga guro namin upang makipagsabayan at mahubog ang aming mga talento sa ikauunlad ng bayang ito. Dahil naibigay ko na ang punto ko kung bakit ko itinuturing na bayani ang mga guro. Panahon na siguro upang itanong ko ULIT sa inyo, Paano mo nga ba masasabi na bayani ang isang tao?

PSHS Students: Tagalinang ng Agham at Siyensyang Pilipino

PSHS Students: Tagalinang ng Siyensyang Pilipino

    Noong 2002, pumirma si dating pangulong Gloria Macapagal-Arroyo sa Proclamation 264 na nagtatalaga sa buwan ng Septyembre bilang "Science Month". Sa taong 2016, ipinagdiwang ang Buwan ng Siyensya na may temang "AGRInovate: Revolutionizing Outlook for Sustainable Growth".

(Ribbon Cutting na pinamunuan ng mga guro)

(Pagsalubong sa pagbubukas ng pagdiriwang)

    Hindi naman nagpahuli ang mga mag-aaral ng Pitogo Senior High School (PSHS) pagdating sa mga kaalamang pangsiyensya. Sila (mga mag-aaral) ay nagkaroon ng aktibong partisipasyon sa mga gawain at aktibidades na isinagawa sa paaralan upang malinang at mapalawak pa ang mga kalamang kanilang taglay, lalong lalo na ang mga mag-aaral na nasa strand ng Science, Technology, Enginering and Mathematics (STEM).

  

    Sa pagdiriwang na ito, ibat-ibang gawain ang inihanda para sa mga mag-aaral ng PSHS. Una,ang "Sci Spell" na sumubok sa bokabularyo ng mga mag-aaral pagdating sa mga terminolohiyang pangsiyesya. Nagkaroon rin ng "Trivia Quest". Ito ay kumpetisyon kung saan ang mga mag-aaral ay binigyan ng isang katanungan tungkol sa mga kawili-wili ngunit hindi mahalagang mga katotohanan sa maraming paksa. Kung Labanan ng Utak naman ang pag-uusapan, "Quiz Bee" ang naging batayan. Ito ay nahahati sa tatlong kategorya o bahagi: ang easy, average, at hard. Nagkaroon din ng "Poster Making" na naka-angkla sa temang ginamit. ang gawaing ito ay nagpapakita ng pagkamasining at pagkamalikhan ng mga mag-aaral. At ang panghuling gawain, ang 'highlight' para sa buwan na iyon -ang paggawa ng "Music Video" na naglalayong isulong ang Agrikulturang Pilipino. Sa pangkalahatan, kinilala ang pangkat ng STEM A bilang Over-all Champion.

                    

    Sa pagtatapos ng buwan na ito, tunay ngang napatunayan na mayaman ang mga Pilipino hindi lang sa Agrikultura kundi maging sa mga kaalamang pangsiyensya. Ayon sa Philippine Society of Youth Science Clubs (PSYSC), ginunita natin ang buwan na ito buwang mas maisapusong ng mga kabataang Pilipino ang importansya at kahalagahan ng sektor ng Agrikultura. Ayon din sa organisasyong ito, ang temang ginamit sa taong ito (2016) ay naglalayon na pataasin ang kamalayan ng mga kabataang Pilipino sa mga sitwasyon na kasalukuyang kinakaharap ng ating bansa. May kinalaman rin ang temang ito sa 'Campaign Pledge' ni Pangulong Rodrigo Duterte na nagnanais na dagdagan pa ang mga 'resources' sa Agrikultura lalong lalo sa rateng Mindanao.

(Logo ng DRR Club)

(Logo ng STEM Club)

    Naging matagumpay nga ang pagdiriwang ng National Science Month na pinamunuan ng mga gurong dalubhasa sa siyensya at agham. Ito ay sa pagtutulungan ng dalawang 'Club'-ang STEM Club at ang DRR Club. Si Binibining Joan S. Lanuzga para sa STEM Club at si Ginoong Jose Mari Fontanilla para sa DRR Club. Lubos na pinagsikapan at pinaglaanan ng oras ang bawat gawain na inilaan para sa pagdiriwang na ito. Makikita ang simbolo ng pagtutulungan at pagmamalasakit ng mga guro at mag-aaral sa loob ng Pitogo Senir High School.

(Seminars)

           Field Trip ng Pitogo SHS

Ang Central Luzon State University ay isa sa mga pinuntahan ng mga mag-aaral ng Pitogo Senior High School sa kanilang field trip. Ang Central Luzon State University o CLSU ay isang unibersidad na nagpapalaganap ng kaalaman sa agrikultura. Isa sa mga bumungad sa mga estudyante ay ang mga naggagandahang mga bulaklak rito.

Nagtungo ang mga mag-aaral sa Organic Farming Training Center ng CLSU kung saan ipinapakita ang natural na paggawa ng mga pataba, kung paano inaalagaan ang mga African Nightcrawlers, at ang pagbubungkal ng lupa. Ipinaranas pa nga sa ibang mag-aaral kung paano ito gawin.

                Sunod namang tinungo ng mga mag-aaral ang Goat Farm kung saan makikita ang iba’t ibang uri ng mga kambing na inaalagaan dito. Tinalakay dito ang tinatawag na breeding na nagpapaliwanag ng kanilang paraan ng pagpaparami ng kambing at paraan upang mapabilis ang paggagatas sa mga ito. Sinasabing ang mga kambing na may halong ibang lahi ay mas malaki ang produksyon ng gatas kaysa sa mga lokal na mga kambing.

Sa parteng ito, maaaring pakainin ng mga mag-aaral ang mga kambing. Makikita rin dito ang iba pang mga hayop tulad ng mga kalabaw, manok, tupa, at iba pa. 

Huling pinuntahan ng mga mag-aaral sa CLSU ay ang Hydroponics kung saan makikita ang iba’t ibang natatangi at naggagandahang mga bulaklak na may sari-saring mga kulay. Ibinida rin dito ang kakaibang paraan nila ng pagtatanim ng mga halaman. Ipinaliwanag dito kung paano gumagana ang imbensyong ito. Inilagay nila ang mga pananim sa isang maliit na lalagyan na dinadaluyan ng tubig galing sa mga tubo na pinagpwestuhan ng mga ito. Sa pamamagitan ng magkakarugtong na mga tubo, mabibigyan na ng sapat na tubig ang mga pananim sa isang pagdaloy ng tubig lamang. Ito raw ay maaaring gawin kahit sa bahay lamang. Maaari itong pagtamnan ng mga gulay tulad ng repolyo. Malaking tulong ito sa produksyon ng gulay, ngayong maaari ng magtanim kahit nasa urban na lugar.

  

     Huling destinasyon ng mga mag-aaral ay ang Nayong Filipino. Dito naman, kulturang Pilipino ang pinahahalagahan at iniingatan. Ipinakikita dito ang mayamang kultura ng mga Pilipino, mga sinaunang kagamitan at kung paano ito ginamit.

Matatanaw rin dito ang iba’t ibang replica ng mga sinaunang estruktura tulad ng simbahan, mga kubo kung saan nanirahan ang mga katutubo at mga sikat na atraksyon sa Pilipinas.

       

Sa parteng ito ng Nayong Filipino, makikita ang iba’t ibang disenyo ng mga Malong, kasuotan ng mga maharlika at mga telang mano-manong nilapatan ng kakaiba at komplikadong mga disenyo at paraan ng paggawa ng mga telang ito.

       

 Makikita rito ang iba’t ibang disenyo at hitsura ng mga sinaunang kasuotan na tanging mga maharlika lamang ang maaaring magsuot. Ibinida rin dito ang maraming gamit ng Malong tulad ng paggamit nito bilang jacket, bag, kamiseta at iba pa. 

Ipinakilala naman sa mga mag-aaral ang mga Ifugao na namumuhay pa rin sa kultura ng ating mga ninuno. Ipinakita naman nila ang kanilang mga kagamitan sa pangangaso, ang kanilang mga sariling gawang kagamitan sa pangaraw-araw tulad ng upuan, lamesa, at iba pa. Lahat ng ito ay gawa sa kahoy at ginamitan ng sinaunang kagamitan sa pag-uukit. Kanila ring ipinakita ang kanilang katutubong sayaw.

Isa pang katutubong sayaw ang ipinakita ng mga aeta. Ibinahagi rin nila ang kanilang mga kagamitan sa pangangaso tulad ng pana at dart. Ipinakita rin nila ang kanilang katutubong sayaw.